Skouer eus ar pezh a c'hellfe bezañ al lec'hienn SKRIV!

 

 

Rentañ-kont emvod ar c’huzul-merañ,  dre visio d’ar 27 a viz Gouere 2026

Bezant : Malo Bouëssel du Bourg (MB), Kristian Braz (KB), Fanny Chaufin (FC), Fulup Lannuzel (FL), Paol ar Meur (PaM)

Digarezet : Laurence Lavrand

Ur c’hraf a oa war ar roll :

GOULENN YALC’HAD DIGANT AR RANNVRO[1]

FL a veneg pegen diaes eo klask leuniañ an teuliad goulenn yalc’had skouer a gaver war lec’hienn ar Rannvro, hag a glot mat gant kevredigezhioù bras. En em c’houlenn a ra ha ne ve ket gellet ober gant doareoù un tammig eeunoc’h. Hervez KB, ez eo arabat bezañ chalet gant se, ma ne c’heller ket respont diouzhtu war bep tra e vo respontet diwezhatoc’h. Gantañ eo bet krouet al liamm gant an teuliad-se, hag e kaso anezhañ d’an holl re ha n’o deus ket bet anezhañ. Marteze a-walc’h ivez  e vo tu d’ober gant un doare all, kalz simploc’h, evel m’en doa graet c’hoazh er bloavezhioù tremen.

Goulenn a ra ouzh ar re all petra a soñjont diwar-benn ar pezh en deus kinniget, ur yalc’had 7500 €, evit un teuliad ennañ da dra bennañ, sevel ul lec’hienn, pe e lakaat da sevel kentoc’h, en ur lakaat war wel ar pezh a reomp, un doare forom ivez etre an dud. MB a resisa pegen diaes eo sevel ur seurt benveg, rak ma ne vez ket maget ingal, e vo marv kerkent ha ganet. Kement-se a ouzomp, a respont KB, met ne vezomp ket gwelet na  klevet e neblec’h evit ar mare. Setu perak e ve mat kinnig poltredoù skrivagnerien, danvez skridoù lakaet war wel, ar pal o vezañ gwellaat hor skridoù deomp.

Hervez FC, an doare da gehentiñ hiziv ned a ket dre ret dre al lec’hiennoù internet, kentoc’h dre bajennoù Instagram pe Facebook. Dispign 7500 € evit sevel ul lec’hienn internet na vo lennet gant den ebet koulz lavaret, n’eo ket dre ret ar pezh a zo d’ober. Hervezi e ve gwelloc’h goprañ un den, oc’h ober war-dro ur blog, marc’hadmatoc’h, gant ur bern liammoù gant an diavaez, ha gouest da grouiñ liammoù etre an dud, ar pezh a rofe c’hoant da lenn pe da selaou an den-mañ-‘n den. Ober ul lec’hienn brav ha kempenn, n’eo ket sur e vo gweladennet kalz a-hend-all. Kentoc’h goulenn digant ar Rannvro kaout ur gopr evit ur bloaz, evel un taol-esae. Bez ‘ e c’heller soñjal ivez en ul lec’hienn berzhiañ, ne vern piv a c’hellfe leuniañ ar bajenn-mañ-’r bajenn, evel wikipedia, ur seurt merour. An dalc’h eo gouzout hag ober a reomp un dra boblek pe skiantel, pe un dra etre an daou.

FL a sav a-du gant FC : ret eo kaout un den yaouank boas ouzh an holl vinvioù nevez-se. Da lavarout eo, eme MB, ur webmaster, unan hag a oar brezhoneg ouzhpenn. KB a respont ez eo dres evit se e c’houlennomp ur yalc’had, evit paeañ unan bennak pe un embregerezh gouest da staliañ an traoù, deomp-ni da voueta war-lerc’h. Pouezañ a ra MB war ar ret ma’z eo ober liammoù gant Instagram, Facebook, h.a, h.a. FC  a soñj dezhi e ve mat ober un emvod gant tud evel Johann Rios pe Gwenn Meynier, anezho stlennegerien, en ur ziskleriañ  dezho  hon ezhommoù (ret e vo labourat a-raok avat evit o zermenañ) hag int a lavaro penaos e vo staliet ha pegement e kousto. Evel-se e welimp ez eo aesoc’h da sevel eget na gredomp. A-du emañ an holl gant kinnig FC.

Kaout ur skouer evit gwelout sklaeroc’h a ve mat. Kinnig a ra FC al lec’hienn petitepoche.fr/collection/ (lennegezh evit ar yaouankiz), ha p’hor befe ezhommoù disheñvel evel-just.

FC a c’houlenn ha bez’ ez eus un deiziad resis evit kas ar respont d’ar rannvro. KB a respont ez eo miz Gwengolo. Hag amzer a-walc’h hor bo d’ober se ac’hann di ? Hervez KB e ve mat mont e darempred gant an dud meneget gant FC, hag eskemm dre bostel etretant.

 

Mard eo ar pal gwellaat an doare da skrivañ e ve mat lakaat ar gaoz war an atalieroù skrivañ pe studi, hervez MB. KB a lavar ez eus bet anv eus se en emvod gant ar Rannvro, hag ivez eus ar sikour d’ar skrivagnerien (raktres levr, mizoù-hent…). FL a ginnig kentoc’h ober un devezh studi pe zaou a-raok kinnig  an atalieroù skrivañ, kalz diesoc’h da sevel. Mont goustad neuze, ha diwar ar skiant-prenet  mont pelloc’h da c’houde. MB a veneg e ve dedennus stummañ ar stummerien a-raok stummañ ar re all.

Setu penaos e wel KB an traoù : displegañ penaos kinnig un istor bennak, sevel un tamm aergelc’h en-dro d’an danevell, kement-se a badfe ur mintinvezh. Goude lein, lakaat an dud da labourat war ar pezh a zo bet gwelet da vintin. Prest eo da ober. Diouzh he zu e ra anv FC eus ar pezh a oa bet graet e Kemper gant Livre et Lecture en Bretagne, gant Lukian Kergoat, Thierry Magnier hag ur plac’h eus metoù ar sinema ; bez’ e oa 25 den, lakaet an dud da skrivañ war draoù kreñv, poelladennoù eeun, pennadoùigoù buhez, tri devez stummañ war daou viz. Plijus e oa bet. N’eo ket sur neuze ez eo ar stummadur evit tud a oar skrivañ dija a ve dedennus a-walc’h.

KB a soñj dezhañ memestra  ez eus ezhomm da  zeskiñ d’an dud kelenn pe ambroug ar re all da skrivañ evel ma venege MB, mar fell deomp aozañ ur stummadur a feson war hiroc’h dermen. FL a c’hellfe klokaat emell KB gant diazezoù an danevellouriezh (tudennoù, gouzout piv a gomz hag eus pellec’h, roll ar poltrediñ...), e-pad un eurvezh hanter, peadra da zifraostañ ar gudenn. KB ha FL a ambrougfe an dud  goude lein gant poelladennoù eeun.

FC a laka-hi ar pouez war ar c’hrouiñ kentoc’h eget war un doare kentel war al lennegezh. Ar pep gwellañ eo loc’h diwar raktresoù hiniennel (ar pezh a ro c’hoant da skrivañ), a-hend-all ne vo ket dedennet-bras an dud hervezi. N’eo ket pal KB na FL ober ur gentel lennegezh avat, kentoc’h reiñ armoù da vont aesoc’h er skrivañ. Hevez MB ez eo dre ar c’hrouiñ end-eeun  e vez degaset ar « c’hentelioù », da lavarout eo ar c’hrouiñ da gentañ ha diwar se un tamm kentel diouzh an ezhomm.

KB a laka ar gaoz war al lennegezh evit ar yaouankizoù, un dra meneget ivez e-ser an emvod gant ar Rannvro. Dres, en em c’houlenn a ra MB ha ne ve ket mat bukañ an devezh studi war ar skrivañ evit ar re yaouank. Skrivañ evit ar grennarded n’eo ket skrivañ dre vras, un dra diaes eo. KB a zo a-du gantañ, rak ret eo ivez ober e doare ma ne ziskrokfe ar re yaouank diouzh al lenn. Hervez FC e ve mat mat kaout testennoù ispisial, evel romantoù deskoniañ, ar pezh a vevont pa’z eont eus ar vugaleaj d’an oad-gour ( evel da skouer  Kest gant Kristian ar Bras, An dervenn gant Mich Beyer pe E kambr ar stered gant Gege Gwenn).

Evit klozañ e lavar FC e ranker bremañ termenañ ar pezh a vo e-barzh al lec’hienn : ar palioù, da betra e servijo al lec’hienn, penaos e vo implijet, piv a labouro war beseurt tachenn ha.ha, peseurt ivinelloù (« onglets ») a vo, a-raok mont e darempred gant an dud he doa meneget a-us. Diwar se e vo gouezet pegement e koustfe ul lec’hienn savet ganto. Ar memes tra evit an devezh(-ioù) studi (petra, piv, penaos, pelec’h ?). Kement-se e stumm div bajennad. Evit ar pelec’h e lavar KB ez eo ezel SKRIV ! eus Ti ar Vro Montroulez, gant ur savadur kaer nevez-flamm. A c’hell bezañ, met bez ‘ e c’heller soñjal ivez en un doare digreizennetoc’h, ober ur wech e Montroulez, ur wech e Gwened, pe Kemper…

MB a veneg erfin n’eo an arc’hant roet gant ar Rannvro nemet un dregantad  eus hollad an dispignoù. Ne vo ket roet an arc’hant-holl hor bo ezhomm ; evit kaout 7500 € e ve ret goulenn 15 000 € ! Pe goulenn digant an dud, dre crownfounding, eme KB, evel m’eo bet graet gant Diouzhtu (levrioù elektronek) pe Lennomp (levrioù rakprenet).

A-du emañ an holl gant kinnig FC, da lavarout en em soñjal ha kinnig pep hini diouzh e du peadra da sevel an div bajennad meneget a-us, a-raok kas war-raok an teuliad (lec’hienn + devezh(-ioù) studi). Evit ar Rannvo e vo gwelet diwezhatoc’h penaos ober.

Graet e vo un emvod all eus ar c’huzul-merañ d’ar Meurzh 18 a viz Eost dre visio da 11 eur.

---

[1] Goude an emvod gant ar Rannvro (24 06 2026) ma oa bezant KB ha FC.

 

Un coup de pouce à la création littéraire en breton

propositions de SKRIV ! - Emglev ar Skrivagnerien Vrezhonek

La pratique de la lecture est en déclin, c'est officiel. Surtout chez les jeunes. Surtout dans les langues minorisées. Pourtant, on publie en breton, on aide l'édition (quoique insuffisamment). Mais que faire quand le lecteur semble bouder l'offre ?

A la différence d'autres formes d'expression, la création littéraire ne bénéficie guère de soutien et apparaît comme le parent pauvre de la culture bretonne. Une début de solution consisterait peut-être à améliorer le niveau et la présentation des œuvres proposée et le statut des auteurs, tout en favorisant l'accès du public à leurs productions.

L'association d'écrivains bretons SKRIV ! a réfléchi à une proposition peu onéreuse qui pourrait contribuer – fort modestement - à changer le regard, peut-être à instiller une dynamique, en proposant un coup de pouce à la création et à la lecture en langue bretonne.

Pour ce faire, nous proposons de partir de l'existant, de s'appuyer sur des initiatives antérieures ayant déjà produit des effets positifs.

Un programme d'aide à la traduction littéraire en breton a été mis en place voici une quinzaine d'années. Ce programme, initialement doté de la modeste somme de 20 000 euros (augmenté à 30 000 € selon nos sources), a permis de traduire une cinquantaine d'ouvrages de la littérature mondiale et à des traducteurs d'être rémunérés et d'améliorer leurs compétences.

Nous proposons qu'une somme équivalente soit sanctuarisée pour la production littéraire en langue bretonne. Ce coup de pouce - bien insuffisant – aurait à notre avis une haute valeur symbolique et aiderait à valoriser le travail de nos auteurs.

Aide aux auteurs : 7500 euros

Les prix F3-OPLB comme le Prix de la nouvelle au festival du live de Carhaix proposent aux lauréats une somme de 1500 euros. La même somme, modeste mais néanmoins significative, permettrait à des auteurs de mener à bien des projets plus ambitieux (recherches, voyages, entretiens, achats de livres…), ce qui inciterait un lectorat potentiel à lire les ouvrages publiés en les rendant plus attractifs.

Nous proposons d'accorder un budget de 7500 euros annuels à une aide à 5 ouvrages, dans les domaines suivants : roman ; recueil de nouvelles ; œuvre théâtrale ; livre enfant illustré  ; recueil de poésie ; livre de voyage ; essai. (Les aides aux scénarios et aux podcasts littéraires audio sont déjà prises en charge par d'autres dispositifs.)

Ces projets seraient examinés par une commission sous l'égide de l'OPAB, sur le modèle déjà éprouvé de la commission d'examen des projets de traduction, ceci après soumission d'un extrait conséquent et d'un argumentaire par l'auteur. L'intégralité de la somme serait remise immédiatement à l'auteur (ou la moitié à l'octroi de la subvention, l'autre à publication).

Aide à la production d'ouvrages pour public ado et jeune adulte : 7500 euros

Cette tranche d'âge semble négligée depuis la cessation du programme « Priz ar Yaouankiz », l'essentiel des livres publiés consistant en des traductions. Par ailleurs, il existe en Bretagne de nombreux artistes illustrateurs, dont peu parviennent à vivre de leur travail.

Nous proposons une aide équivalente (7500 €) à la production de livres pour public ado et jeune adulte en breton, qui serait partagée entre auteur et illustrateur, sur le même principe d'attribution par une commission sous l'égide de l'OPAB.

Conscients du manque criant de création en langue bretonne pour public enfants, SKRIV ! préconise également de s’appuyer sur l’expérience menée pendant des années par FEA/Keit Vimp Bev afin de relancer un programme spécial d’écriture pour public enfant, dans l’esprit du "Priz ar Vugale ».

(Comme pour la première catégorie, les sommes prévues seraient affectées à d'autres actions (voir ci-dessous) en cas de refus pour cause de niveau insuffisant des propositions.)

Faire se rencontrer auteurs et lectorat : 7500 euros

Une œuvre publiée doit se faire connaître et sensibiliser un lectorat : une autre tranche de 7500 euros serait attribuée à des interventions d'auteurs en écoles, salons et bibliothèques/médiathèques (en addition des dispositions déjà existantes de la Région Bretagne), selon les critères des recommandations tarifaires du CNL de rémunération des interventions d'auteur.

(Par ailleurs, l'accès au livre en breton en bibliothèque est extrêmement réduit, et la Région devrait vivement encourager les éditeurs à proposer leurs livres en bibliothèques/médiathèques, notamment des ouvrages bilingues breton-français, afin d'augmenter considérablement l'offre et autoriser l'accès du public à des œuvres autrement inaccessibles financièrement. Et ceci, possiblement, par l'introduction de quotas minimum d'acquisition d'ouvrages en breton.)

Un travail de formation des auteurs, confirmés et débutants : 7500 euros

La plupart des auteurs en langue bretonne ont acquis leur savoir de manière empirique et nécessitent un complément de formation.

Parallèlement, la découverte de nouveaux talents (et le rajeunissement impératif de l'autorat !) nécessite la mise en place de journées de formation à la création littéraire.

L'association SKRIV ! se propose d'organiser dans un premier temps ce cycle de formation, dont les modalités et l'amplitude horaire restent à définir). Ce cycle de formation, une fois testé, pourra servir à la mise en place d’ateliers d’écriture.

Vu l'urgence de la situation et la forte demande, nous pensons qu'un tel programme pourrait donner un souffle nouveau à la création littéraire en langue bretonne.

(Au-delà de ce programme, nous pensons qu'il est urgent d'accorder à la langue bretonne sa place pleine et entière au sein de Livre et Lecture en Bretagne.)

 

Emgav er Rannvro – Roazhon 24/6/26

D'ar Merc'her 24 a viz Even omp bet degemeret (Fanny Chauffin ha Kristian Braz) gant Kaourintine Hulaud (Bezprezidantez evit yezhoù Breizh) ha Gwenvael Jekel (rener servijoù yezhoù Breizh) evit komz eus an doser « Taol-meud d'al lennegezh vrezhonek » kinniget gant SKRIV !

Goude kinnig orin hag obererezhioù SKRIV ! hon eus displeget dre ar munud ar pevar c'hraf a soñj deomp e vefe ret lakaat ar pouez warno :

• Skoazell d'ar skrivagnerien

• Reiñ lañs d'ar skrivañ evit ar grennarded/tud yaouank etre 16-19 vloaz

• Brudañ labour an aozerien

• Stummañ war ar skrivañ

K. Hulaud he deus urzhiet an obererezhioù a bouez bras evit ar Rannvro :

• 1. Skoazell d'ar skrivañ evit ar re yaouank da gentañ penn

• 2. Skoazell d'an aozerien : graet e vo dre ar Rannvro, gant SKRIV ! da guzulier

• 3. Labour stummañ

• 4. Brudañ

Hervezo e vo graet un degemer mat d'ur goulenn yalc'had a-berzh SKRIV ! evit diazezañ mat labour ar gevredigezh (sevel ul lec'hienn a-zoare da skouer), sikour ar Rannvro gant ar skoazell d'ar skrivagnerien hag all.

Deomp-ni bremañ d'en em soñjal evit gouzout - da gentañ-penn - ha nerzh a-walc'h zo ganeomp evit mont war-raok ha sevel an doser goulenn yalc'had a-benn miz Gwengolo : petra goulenn diganto ? Pegement goulenn ? Petra omp gouest/dic'houest da gas da benn vat…

A-hend all he deus kadarnaet K Hulaud he youl da bouezañ evit ma vefe krouet – a-benn ar fin – ur post a gargad.ez evit ar brezhoneg e-barzh Lenn ha Skrivañ e Breizh (LLEB) ; meneget he deus ivez he youl da sellet a-dostoc'h ma vo doujet d'o c'haier a gargoù gant kevredigezhioù zo.

Un emvod frouezus eo bet d'hor soñj, e-pad un eurvezh kreñv. Klevet ha selaouet omp bet, ha m'emaomp e-tailh e c'hellfe bezañ roet – evit ar wech kentañ tout ! – skoazell d'ar re a skriv en hor yezh.

Gortoz a reomp neuze distro diganeoc'h, ha buan, rak, anat deoc'h, ne vo ket an daouadig FL-KB da zougen ar bec'h-se war o divskoaz o-unan !

 

Rentañ-kont emvod ar c’huzul-merañ,  dre visio d’ar 27 a viz Ebrel 2026

Bezant : Malo Bouëssel du Bourg (MB), Kristian Braz (KB), Fanny Chaufin (FC), Fulup Lannuzel (FL), Paol ar Meur (PaM)

Digarezet : Laurence Lavrand

Daou graf a oa war ar roll :

 1) Stad an traoù e-keñver raktres an abadenn (taol-grenn) er GBB a vo dalc’het d’ar Sul 28 e viz Even da 2 eur

2) Stad an traoù e-keñver an taol sikour da reiñ d’ar raktresoù levrioù

1-RAKTRES AN ABADENN (TAOL-GRENN) ER GBB

Ur respont a-du hon eus bet digant Jerom Olivry, evel skrivagner hag embanner. Emell Priya Thorel a chom da gadarnaat (FC). Evit komz en anv SKRIV ! ez eo prest FL d’ober, nemet e vefe tud all. FC a lavar e ve mat kaout daou zen a-berzh SKRIV !, unan evir mont en-dro an diviz, unan all en anv SKRIV ! end-eeun. FL a respont ez eo Anton Burel a raio an animatour ; ouzhpenn-se e pledo gant an enrollañ hag ar filmañ e-kerzh an abadenn. Hervezañ e c‘hellfe ivez ur studierez hag a gustum daremprediñ bodad-lenn Skol an Emsav e Roazhon kemer perzh en abadenn mar bez ezhomm.

Chom a ra c’hoazh daou pe dri zen da gaout. FC a c’houlenn ha respontet he deus Delphine Le Bras (renerez T.E.S.). N’he deus ket graet, neuze e kas-hi ur postel diouzhtu dezhi. Mat e ve ivez kaout un den yaouank en daol-grenn. FC a veneg Morgan (+ anv familh ?) a zo e pevare klas Diwan Kemper, ur plac’h barrek, lennerez ampart. Kas a ra FC ur postel dezhi ivez.

Mar dastumomp ar re meneget betek-henn ez eus 4 den : Jerom Olivry, FL, Delphine Le Bras, Morgan. Padal e klaskomp kaout 5 pe 6 den. Chom a rafe daou zen c’hoazh da dizhout. Menegiñ a ra MB an embanner Arnaud Elegouet (Bannoù Heol), hag a sav traoù evit ar re yaouank. KB a zegas da soñj ez eo savet an daol-grenn evit an aozerien da gentañ-penn, evit brudañ SKRIV ! ha levr danevelloù divyezhek embannet gant Goater, Eost.

Meneget ez eus tud all, Loeiza an Duigoù, Loeiza Beauvir (a ra podkastoù ivez), met hep mont pelloc’h. FC a ra anv eus Gwenola Coïc, kelennerez war ar brezhoneg, bet kemeret perzh e Priz ar Yaouankiz, hag  he deus kaset da benn klazik raktresoù. A-du emañ an holl e ve goulennet outi kemer perzh en abadenn.

Mat e ve kaout un den evit dastum an holl respontoù. Neuze ez eo MB a raio evit Gwenola, Arnaud, Priya, tra ma raio FC war-dro Morgan. Mar respont an holl dud meneget ez eus bremañ 6 den evit an daol-grenn.

MB a lavar e ve mat kaout sifroù evit boueta an abadenn. FL a respont en deus degemeret tri respont a-berzh an embannerien. MB  a gaso da FL sifroù an OPAB. Meneget ez eus ivez ar pezh a zo bet embannet gant ar CNL a-fet al lenn dre rummadoù oad.

 

2- TAOL SIKOUR DA REIÑ D’AR RAKTRESOU LEVRIOU

KB a ra un diverrañ eus ar c’hinnig en deus graet a-fet sikour an aozerien lennegezh da gas war-raok o raktresoù. Savet en deus un destenn simpl ma tispleg an traoù. Kinnig a ra klokaat anezhi  evit diskouez  ar skoazell diseurt dre rummad (levrioù a c’houlenn enklaskoù, levrioù evit ar re yaouank ha oadourien yaouank, kemer perzh e saloñsoù, skolioù, radioioù, stummadur an aozerien, ur blog a-zoare…), gant an arc’hant a ve ezhomm bep tro. Ur bodad barn a ve savet ma’z eo an aoz anezhañ da dermenañ c’hoazh. Kaset e vo d’ar berzhidi a-benn nebeut.

FC a soñj dezhi e ve mat mont e darempred gant ar Rannvro, war an diazez ez eo an destenn-se. Mat e vo kaout un teknisian hag ur politikour en emvod-se. Kendivizout a ra ar berzhidi da c’houzout an dud da dizhout. Meneget eo evel teknisian Gwenvael Jequel, ha Kaourintine Hulaud evel politikourez. Mar en em gav FC gant Kaourintine Hulaud da-geñver ar Redadeg e klasko mont e darempred ganti. Menegiñ a ra KB ivez tud eus an UDB evel Gaël Briand ha Nil Caouissin.

Mat e ve kaout un emgav e Roazhon a-benn nebeut. KB a zle mont di d’ar 1^añ a viz Even. Chom a ra an emgav-se da aozañ (KB+FC + ?). Arabat eo gortoz re , rak votet e vez evit ar yalc’hadoù e miz Here, hag e rank an teuliadoù bezañ prest a-raok.

3-TRAOU ALL

MB  a soñj dezhañ e ve mat soñjal tostaat aozerien ha treserien pa weler pouez ar mangaoù hag ar bannoù treset evit ar re yaouank hag an dud deuet. FC  a veneg ar skiant-prenet gant kelaouennoù evel Rouzig pe Louarnig. Bez’ ez eus kalz tresourien e Breizh, ha mat e ve startaat an darempredoù etre an tresañ hag ar skrivañ, ha n’eo ket hepken evit ar mangaoù hag an bannoù-treset met ivez evit al levrioù skeudennaouet (KB sl. testenn meneget a-us).

 

Fulup Lannuzel

Sekerour SKRIV !

 

Rentañ-kont emvod ar c’huzul-merañ,  dre visio d’an 30 a viz Meurzh 2026

Bezant : Malo Bouëssel du Bourg (MB), Kristian Braz (KB), Fanny Chaufin (FC), Fulup Lannuzel (FL), Bernez Rouz (BR)

Digarezet : Laurence Lavrand

Daou draf a oa war ar roll : 1) raktres abadenn (taol-grenn) er GBB, 2) penaos sikour ar raktresoù levrioù hag a c’houlenn enklaskoù don pe dispignoù

1- RAKTRES TAOL-GRENN WAR AL LENNEGEZH ER GBB E FIN MIZ MEZHEVEN 2026

Ur c’hendiviz a sav etre ar berzhidi a-zivout an tem end-eeun, loc’hañ diwar an teskad Eost da vezañ embannet gant Goater (met n’eo ket sur e vo prest al levr d’an deiziad-se), ledanaat an dachenn d’an embann divyezhek brezhonek/gallek, pe lakaat ar gaoz war dazont al lennegezh hag al lenn hag ar c’hudennoù a sav ken evit ar skrivagnerien ken al lennerien.

Diwar ar pezh a ouzer (MB, FC) ne vez ket kalz a werzh d’ar skridoù brezhonek troet e galleg, ha memestra gant al levrioù troet e brezhoneg diwar yezhoù all, hervez klevet gant Riwanon Kervella.

Mat e ve neuze, da welout sklaeroc’h, goulenn resisadurioù digant an embannerien (pet skouerennoù a vez tennet, pet a vez gwerzhet, en ur reiñ skouerioù resis a-fet ar pezh a ra berzh pe get, koulz evit al levrioù e brezhoneg penn-da-benn, koulz evit ar re divyezhek da nebeutañ evit an tiez-embann o deus embannet unan bennak). Kinnig a ra FL sevel ur roll goulennoù a ve kaset dezho (Al Liamm, An Alarc’h, Al Lanv, Hor Yezh, Lennomp, Timilenn, Goater…).

Evit a sell kompren gwelloc’h penaos ez a an traoù e-keñver arc’hantaouiñ an treiñ abaoe 10 vloaz, ez aio MB e darempred gant Fulup Travers, eus Ofis ar Brezhoneg.

A bouez eo e ve roet ar gomz en daol-grenn da dud yaouank  hag e ve un tamm kempouez etre paotred ha merc’hed. Un nebeud anvioù a zo bet kinniget gant ar berzhidi : Delphine Le Bras, e penn T.E.S. (FC), Jerom Olivry (MB), Prya, diellourez e skolaj Diwan Plijidi (FC), ur skolajiad/lisead/ez, (gwelout ha n’eus ket unan en deus kemer perzh en abadenn Baie des Livres, hag a c’hellfe mont, KB).

Mar lakaer e kont an digoradur gant un ezel eus SKRIV ! e ve pemp pe c’hwec’h den war al leurenn. Etre 5 ha 10 mn da bep hini da zisplegañ e gaoz.

A-zivout ar badelezh e ve mat kaout un eurvezh, en ur lezel ur c’hardeur da nebeutañ d’ar goulennoù a zeufe digant ar saliad. Evit an deiziad hag an eur resis e ve mat ar sul 28 da 2 eur goude kreisteiz (Gwelout gant GBB, MB).

Mat e ve ivez kaout un titl evit an abadenn hag a zesacho an dud.

BR a veneg e ve dedennus  kaout testeni tud eus broioù all (Euskadi, Kembre…) war dachenn al lennegezh hag al lenn. A-hervez e teuio ur c’hembread bennak d’ar gouel. Penaos mont e darempred gantañ/ganti avat ?

Anv a zo ivez eus an doareoù nevez da dostaat ouzh al lenn (blogoù, bannoù treset, mangaoù, enrolladennoù, bodadoù lenn, podcastoù evel reoù heklev…). Ne ve ket fall menegiñ-se en daol-grenn.

2- PENAOS SIKOUR AR RAKTRESOU LEVRIOU HAG A C’HOULENN ENKLASKOU DON PE DISPIGNOU

KB a zispleg  e ve mat gouestlañ ur sammad arc’hant publik evit raktresoù hag a c’houlenn bezañ prientet ervat ha frejoù (beaj, prenadennoù, enklaskoù war al lec’h, eskemmoù gant arbennigourien…). Perak ne vefe ket arc’hantaouet ar raktresoù-se evel ma vez graet evit   ar prizioù F3 pe priz danevell Karaez da raktresoù ? Ar Rannvro eo a c’hellfe ober an dra-se.

FC a lavar e ve mat sevel ur raktres teir pe beder fajenn, en ur zisplegañ ar peragoù hag ar penaozioù, gant un deiziadur, ha mont da c’houde da gomz gant ar Rannvro. Prest eo KB da ober. Breutaet e vo an dra-se en hon emvod kentañ.

Graet e vo un emvod all  eus ar c’huzul-merañ dre visio d’an 27 a viz ebrel 2026, da ziv eur goude kreisteiz, e-lec’h ma vo breutaet ha startaet an daou graf hon eus komzet hiziv diwar o fenn. (MB en deus kaset al liamm d’an dud)

 

 

Rentañ-kont emvod-meur SKRIV !

Emglev ar Skrivagnerien Vrezhonek

26 a viz Here 2025 e Karaez

 

Bezant : Fulup Lannuzel (FL), Bernez Rouz (BR), Patrice Marquand (PM), Kristian Braz (KB), Laurence Lavrand(LL), Jorj Abherve-Gwegen (JAG), Iwan Couée (IC), Malo Bouëssel du Bourg (MBB)

Digarezet : Filip Oillo, Herve Lossec, Iwan ar Fur, Paskal Hervio, Jakez-Erwan Mouton, Mikael Madeg, Loeiza an Duigoù, Mai Ewen.

1-     Stad ar c’hontoù d’an 9 a viz Here 2025

KB a ziskouez taolenn an dispignoù hag ar gounidoù :

	DISPIGNOÙ		GOUNIDOÙ
Skodennoù			170 (kont CMB)
			90 (Hello Asso)
Mizoù Post (levr Gwalarn)	35,6
Mizoù Boued (emvod Brest)	53,75
HOLLAD	89,35		260

 

Chom a ra neuze 170,65 € er c’hef.

Degemeret eo stad ar c’hontoù. Divizet ez eus mirout ar skodenn-vloaz da 10€ dre zen. An izili bezant a gemer tro eus an emvod evit paeañ o skodenn evit 2026.

2-     Danevell obererezh 2024-2025

FL  a ra un addispleg eus an danevell obererezh bet kaset d’an holl izili a-raok an emvod (sl. ar skrid-se evit ar munudoù). Pouezañ a ra  war ar raktres kaset da benn gant SKRIV !, al levr antologiezh danevelloù  Gwalarn, 100 vloaz/100 ans, embannet gant Al Liamm. Ul labour plijus ha frouezhus (15 danevell, 9 troer). An holl o deus kavet dudi ha prenet skiant war an treiñ. Un dra fetis eo bet hag a glot gant unan eus palioù ar gevredigezh : ober traoù asambles. Degas a ra da soñj pegen diziouerus eo bet ivez roll an embanner ha hini ar reizherez paeet gant Al Liamm evit gwellaat al lodenn c’hallek e keñverioù ‘zo.

MBB a ginnig kenderc’hel gant ar pal-se, ha  sevel un dastumad skridoù divyezhek brezhoneg/galleg. KB a soñj dezhañ e ve mat ober unan diwar an danevelloù a vremañ, ar wech-mañ, goude bezañ graet unan war traoù bet embannet er c‘hantved diwezhañ, gant ma ve kavet un embanner evel-just. Digor e ve d’an izili o deus paeet o skodenn, d’ar skrivagnerien ha d’ar skrivagnerezed da ginnig pep a zanevell en ur resisaat ha prest ez int da dreiñ o-unan o danevell pe mar kavont gwelloc’h e ve troet gant un den all. Evit al levr kentañ, lakaomp e ve reoù all da c’houde, e ve dibabet 10 pe 12 danevell en holl. Ar mont en-dro eus ar raktres-se a vo spisaet war-lerc’h.

Evit a sell ar brudañ eus al levrioù divyezhek  e kinnig BR mont war-zu ar bodadoù-lenn, niverus a-walc’h bremañ e Breizh hag ar strolladoù brezhonegerien (tud ha n’o devez ket tro bepred da gomz brezhoneg kenetrezo, reoù bet er-maez eus ar vro, c’hoant ganto da adstagañ gant ar yezh), evel ma kaver er Vro-Vigoudenn da skouer.

FL a ra anv eus ar bruderezh a zo bet graet pe a vo graet evit an antologiezh (Gouel Broadel ar Brezhoneg, abadennoù radio, abadennoù da zont e Roazhon gant Ouest-France ha Skol an Emsav, e ti Dialogues e Brest e 2026. E Kemper e oa bet unan ivez, eme BR, el levraoueg, met aozet fall a-walc’h, ne oa ket kalz a dud. Diwar se e sav ur breud da c’houzout penaos aozañ gwelloc’h ar bruderezh. Soñjal a ra d’an dud e ve mat implij rouedad Tiez-ar-Vro evit se. BR a ginnig ober war-dro ha kas keloù d’an aozadurioù-se. Ar blog a ve un doare mat ivez  evit brudañ ar pezh hon eus graet hag a reomp gant ma vo gwellaet avat.

A-du ‘rall ez eo prest MBB da sevel ur pennad brudañ a-zivout obererezh SKRIV ! evit Al Liamm. Goulenn a raio MBB ha prest e vefe Al Liamm da embann an eil levrenn danevelloù troet kinniget gant SKRVI !.

Raktres Lennegezh evit ar yaouankiz

KB a zo bet pedet gant La Baie des Livres Montroulez evit kemer perzh e Foar al Levrioù (21/22/23 a viz Du 2025). Ul lodenn vrezhonek a vo hag aozet un daol-grenn war al lennegezh evit ar yaouankiz, 7 den  war al leurenn, skolaerien, kelennerien, skrivagnerien evel LL, un embanner. Lañset ez eus ur c’houlennaoueg er skolioù (petra a vez lennet, a blij d’ar skolidi, petra a c’hortozont…). C’hoant o deus an aozerien (Baie des Livres, KLT, SKRIV !) sevel da c’houde ur genskrivadeg danevelloù. Anv a zo ivez e c’hellfe SKRIV !  aozañ un devezh-studi pe zaou evit heñchañ an dud, un doare staj. SKRIV ! a c’hellfe kemer perzh en ur bodad-lenn, un doare juri da varn ar skridoù). Miret e ve ar genskrivadeg d’an dud a zo boas da skrivañ evit ar re yaouank.

Dezastum a ra FL an danevell obererezh hag ar c’hudennoù diziskoulm:

·         Ur raktres (antologiezh divyezhek bet kaset da benn)

·         Ur raktres war ober (Lennegezh evit ar yaouankiz)

·         Ar stummadur diabarzh (n’eo ket bet graet)

·         Ar blog a chom da glokaat  a-fet stumm hag a-fet danvez. Mat e ve kaout un den  barrek diouzh an dra-se. Ur wech ma’z afe an ostilh en-dro e ve prest meur a hini da vagañ anezhañ (KB, FL,…). Stadañ a ra BR e vez kalz traoù, lec’hiennoù war ar genrouedad, pep hini en e gorn, evit e blijadur, hep na ve gouezet gant den a-wechoù. An dalc’h a ve neuze sevel  un ostilh a feson, ent teknikel, gouest da vodañ kement tra  a c’hell bezañ graet war an dachenn. Aze emañ skod ar c’hoari gant SKRIV ! mar deuomp a-benn da sevel ur blog gwirion. FL a c’houlenn ha bez ‘ e c’hellfed implij an arc’hant a zo er c’hef evit se. Ne ve ket posupl hervez ar re all. Evit KB ez eo kentoc’h da ober gant tud a youl vat, hag a ve digollet memestra. Ne vern penaos, lakaomp hor befe ur raktres blog mat e c’hellfemp goulenn ur yalc’had, da skouer digant Ar Redadeg.

·         FL a veneg n’en deus ket gellet SKRIV ! desachañ reoù yaouank en hon obererezh.

·         Kaset eo bet an traoù e-barzh SKRIV ! gant daou zen (KB, FL) koulz lavaret. Mat e ve ingalañ muioc’h al labour etre izili ar c’huzul-merañ.

 

3-     Neveziñ ar c’huzul-merañ

FL a zegas da soñj n’eus nemet 7 den er c’huzul-merañ, tra ma rankfe bezañ 9 den hervez ar statudoù. Ouzhpenn-se e tle bezañ nevezet un drederenn eus ar c’huzul-merañ bep bloaz. Kinnig a ra neuze BR  e ve graet an neveziñ en doare-mañ : bep bloaz ez afe kuit tri den, disheñvel bep bloaz, gant ma ve posupl dezho dont en-dro mard eo asant an emvod-meur. A-du emañ an izili bezant gant an doare-se d’ober.

Neuze ez a er-maez MBB, KB, FL, hag addilennet ez int kerkent.

Graet eo tro an daol evit gwelout ha prest eo daou zen ouzhpenn da vont er c’huzul-merañ. Patrice Marquant  a lavar mont. Kinnig a ra LL goulenn digant Fanny Chauffin mont er c‘huzul-merañ ivez (asantet he deus da c’houde).

Setu  ar c‘huzul-merañ nevez :

Malo Bouëssel du Bourg

Kristian Braz

Fanny Chauffin

Fulup Lannuzel

Laurence Lavrand

Patrice Marquant

Paol ar Meur

Jakez-Erwan Mouton

Bernez Rouz

 

4-     Raktresoù evit an dazont

·         Kas pelloc’h ar brudañ e Tiez-ar-Vro hag er strolladoù brezhonegerien (BR)

·         Kemer perzh en aozadur ar genskrivadeg danevelloù evit ar yaouankiz (KB)

·         Sevel un teskad  danevelloù diyvezhek brezhoneg/galleg a vremañ, evel ma’z eo meneget a-us (KB, FL)